ما عرفت نتزوج بيه وخا دارنا ما راضينش بها

ما عرفت نتزوج بيه وخا دارنا ما راضينش به

 

 السلام عليكم انا بنت عندي 21 سنة كنت كنعرف واحد الولد 4 سنين و هو اكبر مني ب 9 سنين و هو كبغيني بزاف المشكل انه كشك فييا اكثر من القياس. صحابي شافوك في قهوة واحد السيدة شافتك مع واحد …… المهم جا خطبني و دارنا وافقو غير بابا مابغاش يدير العقد قاليا بلاتي كل مرة عائلتو كيجيو باش يحددو الوقت ديال التكاتيب و بابا كي أجل حتى نكمل الدراسة ديالي هو تعصب ولا ديما كيعايرني ( باباك ماشي راجل مابغانيش باينة كين شي واحد اخر و انا باغين تلوحوني ) عائلتو ديما كترد ليا اللومة المهم كلست مع بابا و قلت ليه خاصك دير ليا حل حشومة نبقاو مجرجرين الناس قاليا بللي السيد ما عندوش خدمة مستقرة مرة العود مرة لا فيرايي و كيكمي مرة مرة الحشيش و بصح هادشي كاين. حاولت نقنع بابا قاليا حتى يصلح هاد الولد نفسو. المهم انا وياه ولينا في صراعات و ديما كيعايرني و كيطيح بيا عند خالتي كيقول فينا كلام نابي و عند صحاباتي ما بقاش كيحتارمني نهائيا و جا دار ليا الشوهة في دربنا و انا حاولت نقولو باش يصبر شويا والو ديما كيقوليا باك ماشي راجل . مؤخرا تزوج بشي بنت جابوها ليه دارهم و حملت معاه و من بعد مابقاش بغاها و خرج من دارهم هو في بلاصة و مراتو في بلاصة في هاديك المدة انا تعرفت على واجد الولد على الاقل كيعترمني و ولا كيبغيني و حتا انا تعلقت بيه و بديت كنسى السيد اللي كان خاطبني ولمن قاليا انا ما نقدر نجي نخطبك حتال من هنا 3 سنين يلاه نوجد عيط ليا من بعد الولد اللي كان خاطبني و قاليا بلي ماكبغيش مراتو كبغيني انا و ندم بزاف بقينا على تواصل دبا مراتو ولدات و هدر مع خويا و قاليه غنطلق مراتي و لكن بنتي غنبقا نصرف عليها. المشكل عائلتي مابقاوش بغاوه و خواتاتي كيقولوليا اما حنا اما هو و باقي كيشك فيا و ما بغيتش نبعدو على مراتو و على بنتو و هو مكرفس و باغي يعيش معايا انا ما عرفت شنو غندير عافاكم عاونوني انا تالفة ما كنعس من كناكل ما كنشرب ما عرفت نتزوج بيه وخا دارنا ما راضينش بها ولا نتسنى هاد الولد حتى يوجد كنتسنى الرد ديالكم و شكرا بزاف